Винаријада НЕРЕЗИ 2014

Трета година по ред жителите на Нерези под покровителство на ВМРО-ДПМНЕ - ОК Карпош го организираат настанот „Винаријада НЕРЕЗИ“.

И оваа година над 40 жители на Нерези, место познато по одгледување на лозови насади и производство на квалитетно домашно вино се натпреваруваа со своите производи. симболичните награди како и целата организација и оваа година се потпомогнати од Општинскиот Комитет на ВМРО-ДПМНЕ - Карпош и Претседателот на Советот на Општина Карпош г-дин Сашо Лазаровски. Како и изминатите години и оваа сретствата собрани на оваа манифестација се донираа во добротворни цели.

За да видите повеќе кликнете на ЛИНКОТ!

„Да го вратиме сјајот на фасадите“ е проектот кој ќе ја одбележи 2014 во Карпош

Понатаошниот текст е превземен од веб страната на КУРИР

Карпош, општина со огромна визија за иднината, планови, проекти и место каде што живее хуманоста и солидарноста во срцата на секој граѓанин. Катче кое со гордост го краси Градот Скопје.

Градоначалник е Стефчо Јакимовски, а носителот на советничката листа на ВМРО-ДПМНЕ Сашо Лазаровски е претседател на Советот на Општина Карпош. Своето искуство и идните планови на општината, Лазаровски накратко ги пренесува во интрвјуто за Курир.

Со кои барања даоѓаат граѓаните кај вас и како ги регулирате истите?

Барањата најчесто се од областа за катастарски услуги, односно легализација на диво изградените објекти и дозволи за градба. Понатаму, доаѓаат лица од социјално загрозени семејства барајќи помош, а општината секогаш наоѓа соодветен начин и им помага, болни лица на кои им се потребни срдства за лекување, помош при вработување и финансиска поддршка за спортските клубови кои функционираат на територијата на Опшина Карпош.

Во рамки на манифестацијата „Недела на енергетска ефикасност“ во Загреб, Република Хрватска беше одржана Меѓународна конференција во која свое учество зема и Општина Карпош, како единствена општина од Македонија. Кажете ни нешто повеќе што се случуваше во Загреб?

Оваа презентација се однесуваше на реконструкциите на јавните згради со примена на мерки за енергетска ефикасност на фасадите, прозорците и вратите, како и на искуствата од примената на „Правилникот за мерките за енергетска ефикасност кои треба да ги исполнат проектите за изградба на нови и реконструкција на постоечки објекти како услов за добивање на одобрение за градење од Општина Карпош“ во досегашниот период. Ова претставува единствена реална пракса на локално ниво која не произлегува од донесени законски акти на државно ниво, каде веќе Словенија, Хрватска и Србија поседуваат и почетни искуства. Самата презентација на нашето искуство, освен кај претставниците од овие земји, предизвика интерес и кај меѓународните претставници и организации присутни на конференцијата.

ОПШТИНА КАРПОШ ГО ОДБЕЛЕЖА 13-ТИ НОЕМВРИ

По повод одбележувањето на 69 годишнината од ослободување на Скопје, денеска, висока делегација од Општина Карпош предводена од Стевчо Јакимовски, секретарот Владо Поповски и претседателот на Советот на Општина Карпош Сашо Лазаровски, положија свежо цвеќе на партизанските гробишта во Бутел и пред гробот на генерал Михајло Апостолски.

Високата делегација од Општина Карпош им оддаде почит на паднатите борци, положувајќи букет-цвеќе и пред споменикот на ослободителите на Скопје, лоциран пред Владата на Република Македонија. На оваа свеченост присуствуваа градоначалниците од скопските општини, претставници на Дипломатскиот Кор во Република Македонија, претставници од владините институции и делегација на Сојузот на борци од Македонија. Во рамките на оваа манифестација, се обрати генералот во пензија, Тодор Атанасовски, кој пред присутните го истакна значењето на овој голем празник за градот Скопје и за нашата држава.

Превземено од Општина Карпош

СВЕЧЕНА АКАДЕМИЈА ПО ПОВОД 37 ГОДИНИ ОПШТИНА КАРПОШ

Со изведба на државната химна на Македонија, во присуство на 700 гости, вчеравечер во хотелот „Александар Палас“, општинската администрација со пригодна свеченост ја одбележа 37 годишнината од постоењето на локалната самоуправа. На оваа манифестација присуствуваа претседателите и делегациите од збратимените општини, Тиват (Црна Гора), Стари Град и Травник (БиХ), Нов Белград, Врњачка Бања и Сремски Карловци (Србија) и други видни личности од културниот и политичкиот живот од Македонија и од странство. Во рамките на оваа свеченост градоначалникот на Општина Карпош, Стевчо Јакимовски беше прогласен за почесен граѓанин на општина Тиват. Притоа, Јакимовски потпиша протокол за соработка со претседателот на Советот на Општина Сремски Карловци, Миленко Филиповиќ и со заменик претседателот на Општината Врњачка Бања, Андрија Боќанин, со што Општина Карпош официјално се збратими со овие две српски општини. Со овој свечен документ потписниците на Протоколот се обврзуваат дека врз основа на вистинско меѓусебно почитување, засекогаш ќе воспостават различни форми на соработка, размена на идеи за реализација на проекти од заеднички интерес во областа на економијата, културата, образованието, туризмот, спортот, заштитата на природното и културното наследство.

Средба со жителите на Бардовци, Злокуќани и Нерези

Денес Претседателот на Советот на Општина Карпош г-дин Сашо Лазаровски заедно со други функционери од локалната и централната власт оствари средба со жителите на Бардовци, Злокуќани и Нерези. На неа жителите на овие населени места имаа можност директно до надлежните функционери да ги пренесат своите проблеми и барања и во рамките на нивните овластувања и законски можности да изнајдат решение за истите.

Средбите продолжуваат и во наредниот период.

За да видите повеќе кликнете на следниот ЛИНК!